ღია ლექციები უფროსკლასელთათვის

ილიას სახელმწიფო უნივერსიტეტი გეპატიჟებათ ღია ლექციებზე უფროსკლასელთათვის

მიზნები

ღია ლექციები არის ილიას სახელმწიფო უნივერსიტეტის ინიციატივა, რომელიც განკუთვნილია საშუალო სკოლის უფროსი (მეათე, მეთერტმეტე, მეთორმეტე) კლასების მოსწავლეთათვის. მისი მიზანია,

1. დააკავშიროს უნივერსიტეტთან და მის პროფესორებთან საშუალო სკოლის უფროსი კლასების მოსწავლეები,
2. დააინტერესოს უფროსი კლასების მოსწავლეები მეცნიერების სხვდასხვა დარგით,
3. გაუფართოვოს უფროსკლასელებს თვალსაწიერი და აუმაღლოს ინტელექტუალური განვითარების დონე,
4. დაეხმაროს უფროსკლასელებს პროფესიულ თვითგამორკვევაში,
5. განახორციელოს მეცნიერებათა და ხელოვნების ფაკულტეტის საბაკალავრო პროგრამების პოპულარიზაცია.

ფორმატი

ღია ლექციები ჩატარდება ყოველ შაბათს, 10:00-დან 14:00 საათამდე, ილიას სახელწმიფო უნივერსიტეტის A-კორპუსის 101-ე აუდიტორიაში (მის.: ი. ჭავჭავაძის გამზ. #32). თითეოული ლექციის ხანგრძლივობაა ერთი საათი. ლექციებს ჩაატარებენ ილიას სახელმწიფო უნივერსიტეტის პროფესორები. თითოეული ლექცია დაეთმობა საინტერესო საკითხს/თემას სხვადასხვა სამეცნიერო დარგიდან.

ღია ლექციების ფორმატით არ არის გათვალისწინებული საშინაო დავალებები, ტესტირებები, გამოცდები და სხვ.

ღია ლექციების თემატიკა და შესაბამისი პროფესორების სია წინასწარ ეცნობება თითოეულ სკოლას.

ღია ლექციების ბილატერალური ასპექტი

ღია ლექციები წარმოადგენს დამაკავშირებელ ხიდს ილიას სახელმწიფო უნივერსიტეტსა და საშუალო სკოლებს შორის. სახელდობრ, უნივერსიტეტსა და სკოლებს შორის გაფორმდება ხელშეკრულება პარტნიორობის შესახებ, რომლის საფუძველზეც

1. შესაბამისი სკოლის მოსწავლეებს ექნებათ ღია ლექციებზე დასწრების უფლება,
2. უნივერსიტეტი სთავაზობს სკოლებს დახმარებასა და თანამშრომლობას სასკოლო საბიბლიოთეკო ქსელის გასამართავად.
3. უნივერსიტეტის განათლების მიმართულების სტუდენტებს ექნებათ უფლება, გაიარონ პრაქტიკა პარტნიორ სკოლებში.